Ўзбекистонлик Фарҳод Абдуллаев Португалия – Марокаш ўйинига тайинланди

Россияда бўлиб ўтаётган футбол бўйича Жаҳон чемпионатига Ўзбекистон биринчи марта бош ҳакам, лайнсменлар, ҳакамлар назоратчиси ва учрашув комиссаридан иборат тўлиқ таркибда ташриф буюраётгани хақида маълумот бериб ўтган эдик.

Гуруҳ ўйинларининг “В” гуруҳи 2-туридан ўрин олган Португалия – Марокаш беллашувида ўзбекистонлик ФИФА ва ОФК инструктори Фарҳод Абдуллаев ишлайдиган бўлди.

Фарҳод Абдуллаев мазкур учрашувга ҳакамлар назоратчиси этиб тайинланган. Ўзбекистон вакили билан биргаликда ўйинни олиб борувчи гуруҳ аъзолари қуйидагилардан иборат:

ЖЧ–2018. “B” гуруҳи, 2-тур
Португалия – Марокаш 
Бош ҳакам: Марк Гейрег (АҚШ)
Қанот ҳакамлари: Фрэнк Андерсон (АҚШ), Жо Флетчер (Канада)
Захира ҳаками: Сергей Карасев (Россия)
Назоратчиси: Фарҳод Абдуллаев (Ўзбекистон)