Ўзбекистонни енгган Эрон Бразилия билан бир қатордан жой олди

Ҳозиргина ЖЧ-2018 саралаш босқичи 8-туридан ўрин олган Эрон хамда Ўзбекистон терма жамоалари ўртасидаги ўйин ниҳоясига етди.

Мазкур баҳсда форслар 2:0 ҳисобида ҳамюртларимизни мағлуб этди ва муддатидан олдин Россияда ўтадиган жаҳон чемпионатида иштирок этиш ҳуқуқини қўлга киритди.

Бунга қадар фақатгина Бразилия терма жамоасининг Россиядаги мундиалда иштирок этиши маълум бўлган эди.

Бундан ташқари, Россия терма жамоаси ҳам мезбон сифатида 2018 йилги ЖЧда иштирок этиш ҳуқуқига эга бўлган эди.