Ўзбекистоннинг биринчи ракеткаси Хитойда финалга чиқди

Олдин хабар бериб ўтганимиздек, Ўзбекистоннинг биринчи ракеткаси Сабина Шарипова Хитойнинг Гуиянг шаҳрида давом этаётган турнирдаги юришини давом эттирмоқда.

Кеча ҳамюртимиз мукофот жамғармаси 25 000 АҚШ долларини ташкил этувчи турнирнинг жуфтлик баҳсларида беларуслик шериги Лидзия Марозава билан хитойлик теннисчилар - Ханю Гуо/Ю Ки E дуэтига қарши кортга чиқди.

1 соат 18  дақиқа давом этган беллашувда Сабина ва унинг шериги 6:3, 3:6, 12:10 ҳисобида ғалаба қозонди ва финал йўлланмасини қўлга киритди.

Энди улар бош соврин учун яна хитойлик теннисчилар қаршлигини енгиб ўтишларига тўғри келади. Бугун бўлиб ўтадиган баҳсда Сабина ва унинг шериги Хиню Жианг/Кянхуи Танглар билан куч синашади.