ПСЖ Агуэрони ўз сафида кўрмоқчи

Англиянинг “Манчестер Сити” клуби форварди Серхио Агуэро фаолиятини Франция чемпионатида давом эттириши мумкин. Бу ҳақда The Times нашри хабар тарқатмоқда.

Юқоридаги манбаанинг ёзишича, ПСЖ 28 ёшли аргентиналик футболчи учун 68 млн евро таклиф қилишни режалаштирмоқда. Таъкидлаш керакки, парижликлар раҳбарияти ушбу трансфернинг амалга ошишига ишонишмоқда. Боиси, Агуэронинг “шаҳарликлар” бош мураббийи Хосеп Гвардиола билан келиша олмаётгани ва жамоага яна бир ҳужумчи Гапбиэль Жезуснинг келгани футболчининг жамоадан кетишига сабаб бўлиши мумкин.

Бироқ, Агуэро бундан аввалроқ “Манчестер Сити”да шартномаси якунига етгунига қадар қолишни режалаштираётгани ҳақида айтиб ўтган эди.

Маълумот учун, Аргентина терма жамоаси аъзоси жорий мавсум АПЛда жами 31та учрашув ўтказиб, рақиблари дарвозасига 20та тўп киритган ва 3та голли узатмага муаллифлик қилган.