ПСЖ Иброҳимовични йўқлигини билдирмайдиган супертўпурар топди
Асосий тўпурари Златан Иброҳимович жамоани тарк этгач, Франция чемпионатидаги етакчилик мавқеидан айрилган ПСЖ жамоаси раҳбарияти ёздан буён кўп гол уришга қодир бўлган истеъдодли ҳужумчи қидирмоқда. Парижликлар ҳужум чизиғига ёш ва жамоада узоқ вақт тўп суриш имкониятига эга бўлган футболчини олишни истайди.
ПСЖ ўзи қидирган ҳужумчини Португалиядан топди. "Бенфика"нинг 20 ёшли футболчиси Гонсалу Гедеш тез орада Парижга кўчиб ўтади.
Европанинг 21 ёшгача бўлган энг зўр ёш футболчилари рўйхатига кирган бу ҳужумчи учун французлар 30 миллион евро тўлашга розилик берган.
Гонсалу Гедеш бу йил барча турнирларда 28 маротаба майдонга тушиб, еттита гол урди ва яна шунча голли пас узатди.
Комментарии