Патрис Эвра бир ойга сафдан чиқди
“Марсель” клуби ҳимоячиси Патрис Эвра белидан олган жароҳати сабабли бир ой давомида майдонга туша олмаслиги мумкин. У Франция чемпионати 27-турида ПСЖга (1:5) қарши кечган баҳсда жароҳат олган.
35 ёшли франциялик биринчи бўлимни тўлиқ ўтказди, бироқ танаффусда унинг ўрнига камерунлик Анри Бедимо тушган.
– Мен ҳаракат қилдим, аммо ўйинни давом эттира олмадим, – дейди футболчи L’Equipe нашрига. – Бир қанча вақт майдонга туша олмайман деб ўйлайман. Мен 45 дақиқа чидадим, бироқ бу осон бўлмади. Бу қанча вақт олишини ҳозирча номаълум.
Эслатиб ўтамиз, Эвра ўтган январда”Ювентус”дан “Марсель”га ўтган эди. Февраль ойининг биринчи ярмини жароҳати сабабли ўтказиб юборди. Унинг клуб билан шартномаси мавсум охиригача мўлжалланган.
Фикрлар