"Paxtakor"ning Turkiyadagi dastlabki nazorat o‘yini nega o‘tkazilmadi?

Xabaringiz bor, Toshkentning "Paxtakor" klubi mavsumning ikkinchi yarmiga Turkiyada tayyorgarlik ko‘rmoqda. Bugun jamoaning Turkiya yig‘inidagi birinchi nazorat o‘yini o‘tkazilmadi. Bu haqda klub matbuot xabar bermoqda.

Kamerunning "Kolombe" jamoasiga qarshi bellashuv qalin tuman tufayli boshlanganidan bir necha daqiqa o‘tgach to‘xtatildi. Maydon va to‘pni yaxshi ko‘rish imkoniyati bo‘lmagani sababli jamoalar bellashuvni to‘xtatishdi.

Turkiyadagi ikkinchi o‘yin 26 iyun kuni Ummon milliy terma jamoasiga qarshi bo‘lib o‘tishi mo‘ljallangan.