"Paxtakor"ning yangi yildagi ilk xorij yig‘ini BAAda bo‘lib o‘tadi

Kecha, 29 dekabr kuni "Paxtakor" futbolchilari ikkiga bo‘lingan holda uchrashuv o‘tkazdi va shu bilan birinchi yig‘inga yakun yasaldi.

Futbolchilar ta’tildan keyin jismoniy holatni tiklash ustida ish olib borishdi. "Chilonzor" stadionida bugun ikkiga bo‘lingan holda o‘yin tashkil etilib, futbolchilar holati tekshirib olindi.

Yangi yil bayrami bilan bog‘liq tanaffus 3 yanvargacha davom etadi. 3-14 yanvar kunlari Toshkentda mashg‘ulotlar davom ettirilsa, 15-30 yanvarda BAAning Sharja amirligida dastlabki xorij yig‘ini tashkil qilinadi.