Пайетни ватанига қайтарган “Марсель” Жируни ҳам Францияга олиб келмоқчи

“Марсель” клубининг янги хўжайини Франк Маккурт мавсумлар оралиғида ёзги трансферлар учун катта маблағ ажратишни режалаштирмоқда. Ўз навбатида клуб спорт директори Андони Субисаррета жамоа ўйинини кучайтириши мумкин бўлган футболчиларни кидирмоқда.    

Tribal Football тарқатган маълумотларга кўра марселликлар биринчи навбатда ўзларига яхши марказий ҳужумчи ҳарид қилишмоқчи. Бу борада улар “Арсенал”да тўп сураётган франциялик Оливье Жируни кўзлашмоқда. Айтиш керакки, Жиру айни дамда “тўпчилар”нинг асосий таркибидан муқим жой ола билмаяпти.

Маълумот учун, Жиру бу мавсум АПЛда 14 ўйинда майдонга тушиб, ўз ҳисобига 7та гол ҳамда 4та голли узатмага муаллифлик қилган.