Пепе Хитой жамоаси сафига “сиғмаяпти”

Мадриднинг “Реал” клуби ҳимоячиси Пепенинг Хитой клубига ўтиши борасида шубҳа пайдо бўла бошлади. Бу ҳақда AS нашри хабар бермоқда.

Юқоридаги манбаанинг ёзишича, португалиялик футболчининг “Хэбей Чайна Форчун” клубига ўтмаслигига Чин юртида янги жорий этилган легионерлар чеклови сабаб бўлиши мумкин. Янги қонунга кўра Хитой чемпионатида ўйин пайтида 4та легионер (шулардан бири осиёлик бўлиши шарт) ҳаракат қилиши мумкин. Жамоа эса ўйин қайдномасига фақат 5та хорижлик футболчини киритиши мумкин. Таъкидлаш керакки “Хэбей Чайна Форчун”  айни дамда 5та легионерга эга.

Эслатиб ўтамиз, “қироллик клуби” билан мавсум сўнггида шартномаси якунланадиган 34 ёшли футболчи дастлаб мадридликларнинг 6 миллион евролик таклифини рад этган эди.