Пепенинг ўрнига "Реал"га ким келади?

 

"Реал"нинг ишонган ҳимоячиси Пепе ёзда мавсум якунланиши билан Хитой чемпионатига кўчиб ўтади ва келажаги учун пул жамғаришга ҳаракат қилоади. Мадридликлар бош мураббийи Зинедин Зидан ҳозирдан ҳимояда ишончли ўйнай оладиган юқори савиядаги футболчи қидирмоқда.

"Реал" раҳбарияти кузатаётган ҳимоячилар орасида "Манчестер Сити" вакили Николас Отаменди ҳам бор. Футболчининг агенти Мартин Сендоа бу ҳақида ўз қарашларини билдирди.

- Отаменди ўйин услуби жиҳатидан Пепега ўхшайди, - деди Мартин Сендоа. - "Реал" уни "Валенсия"да ўйнаганидан буён кузатиб келади. Отамендини "Барселона" ҳам ўз нишонида ушлаб турибди. Отамендини "Манчестер Сити"да ҳамма нарса қонитиради, лекин қайси футболчи "Реал"да ўйнашни истамайди?

Николас Отаменди жорий мавсумда Англия премьер-лигасида 20 та учрашувда майдонга тушди.

SPORTS.uz

Фикрлар

Фикр қолдириш учун авторизациядан ўтинг!