Pepsi Суперлига: 10-турда мухлислар ташрифи бўйича рекорд натижа ўрнатилди

Суперлиганинг 10-турида стадионларга ташриф буюриш бўйича рекорд натижа кузатилди, дея маълум қилмоқда ЎзПФЛ расмий сайти. Бунгача рекорд, Суперлиганинг 3-турига тегишли эди ва унда жами 85 209 нафар томошабин келган эди. Суперлиганинг 10-турида эса, бу кўрсаткич 88 564 нафар мухлисни ташкил этди ва бу мавсум рекорди ҳисобланади.

Таъкидлаш лозим, чемпионатнинг 10-турига келиб стадионларда учрашувларни томоша қилиш учун ташриф буюрган мухлислар сони жами 651 453 нафарни ташкил этди ва бу аввалги мавсум билан солиштирганда деярли 2.5 баробар кўпроқ натижа ҳисобланади.

Аввалги мавсум Олий Лигада 12 та эмас, балки 14 та клуб иштирок этгани ва учрашувлар сони кўпроқ бўлганини ҳисобга олсак, бу анча ижобий натижадир.