“Персеполис” устози: "Насаф"ни ёрқин келажак кутмоқда

Бундан бироз олдин ОЧЛ 5-туридан ўрин олган «Насаф» ҳамда «Персеполис» жамоалари ўртасидаги баҳс ўз ниҳоясига етди. Ушбу ўйинда ҳисоб очилмади – 0:0.

Учрашувдан сўнг ўтказилган матбуот анжуманининг биринчи қисмида эронликлар устози Бранко Иванович ўз фикрларини билдириб ўтди.

“Ўйинда қўлга киритилган натижадан мамнунман. Биз ушбу ўйиндан сўнг кейинги босқич масаласини хал қилиб қўйдик. Бу эса бизнинг асосий мақсадимиз эди.

Ўйинга тўхталадиган бўлсак, жуда агрессив футбол гувоҳига айландик. «Насаф» кейинги босқичга чиқа олмади. Бугун гол кирита олмаган бўлсада, жуда ажойиб ўйин кўрсата олди.

Шу ўринда биз мезбонларга, машғулот ва яшашимиз учун қилиб берилган шароит учун ўз миннатдорчилигимни билдираман

Биз чемпионлар лигасининг энг қийин гуруҳидан жой олганмиз. Шуни таъкидлаш керакки, бугун биз Осиёнинг исталган жамоасига қарши сифатли ўйин намойиш эта олишимизни кўрсата олдик.

Бугунги ўйиндан кейин жамоамизда оптимистик руҳ пайдо бўлди. Кейинги ўйинда ҳам «Ал Садд»ни мағлуб этган холда гуруҳда биринчи ўринни олиш ва босқичма босқич ижобий натижа кўрсатишга ҳаракат қиламиз

Бугун «Насаф» жуда ҳам юқори кайфиятда ўйнади, 90 дақиқа давомида гол уришга ҳаракат қилди, ва жамоамизга ўйинини намойиш қилишга имкон бермади. «Насаф»га Драган Чераннинг жароҳати халал берди, аммо бу жамоани ёрқин келажак кутмоқда. Таркибида қитидорли ёшлар кўп.

Насаф«даги 20 ва 10-рақамдаги футболчилар менга ёқди. 6 ва 7-рақамдаги футболчиларда ҳам маҳорат юқори. Шунингдек Лукич ўнг қанотдан кўп ҳужумлар орқали бизга “бош оғириғи” бўлди. Таъкидлайман, “Насаф" бугун биринчи ўйиндан буткул бошқача рақобат кўрсатди. Илк ўйинимизда Ўзбекистонда хали мавсум бошланмаган эди. Бу эса жамоада амалиёт етишмаслигига олиб келди”, – деб айтиб ўтди хорватиялик мутахассис.

Манба: SPORTS.uz