Пике: Неймар “Барса”ни тарк этишидан мен хафа бўлгандим

“Барселона” ҳимоячиси Жерар Пике ўзининг собиқ жамоадоши Неймарнинг ПСЖга ўткани ҳақида ўз фикрини билдирди.

- Жамоа учун сиз қўлиздан келганини қиласиз, хаттоки жамоадошлар билан яхши муносабатларни ўрнатишга харакат қиласиз. Шуни айтишим мумкинки, Неймар билан жуда яхши дўстона алоқаларда эдик, унинг “Барса”ни тарк этишидан мен хафа бўлгандим.

Дўст сифатида унинг Парижга кўчиб ўтишини тушунаман, аммо “кўк-анор ранглилар” сафини қай тарзда тарк этгани мени ва бошқа мухлисларни хафа қилди. Шуни эслатиб ўтмоқчиманки, бир жамоани тарк этмасдан фаолият олиб борувчи футболчини топиш жуда қийин.Албатта, Неймар “Олтин тўп”ни қўлга киритишни хохлаётганини биламан, Парижда эса бу мақсадга эришиш осонроқ, - дея Пикенинг сўзларини келтиради AS нашри.