Pogba jamoasini qiyin ahvolga solib qo‘ydi

Angliyaning "Manchester Yunayted" klubi Pol Pogbaning APL 15-turi doirasida "Arsenal"ga qarshi bahsda maydondan chetlatilgan holat bo‘yicha apellyatsiya bermaydigan bo‘ldi. Bu haqda VVS xabar bermoqda.

Shunday bo‘lgan taqdirda, frantsiyalik futbolchi to‘g‘ridan-to‘g‘ri qizil kartochka olganligi uchun 3 ta o‘yinlik diskvalifikatsiya duchor bo‘ladi.

Unga ko‘ra, Pogba jamoasining "Manchester Siti" (10 dekabr), Bornmut (13 dekabr) hamda "Vest Bromvich" (17 dekabr) jamoalariga qarshi bahslarini o‘tkazib yuborishiga to‘g‘ri keladi.