Погбадан зўр ва қиммат футболчи кимлиги ошкор бўлди
"Манчестер Юнайтед" бош мураббийи Жозе Моуриньо талабига кўра, ўтган йили ёзда "Ювентус"дан Англия премьер-лигасига олиб келинган франциялик ярим ҳимоячи Поль Погба дунёнинг энг қимматбаҳо футболчисига айланган эди.
"Тоттенхэм" жамоасининг собиқ бош мураббийи Ҳарри Реднапп Лондон клубида порлаётган ёш ярим ҳимоячи Деле Аллини Поль Погбадан устун қўйди.
- Менинг фикримча, Деле Аллининг ҳозирги нархи 120 миллион еврони ташкил қилади, - деди Ҳарри Реднапп. - Агар Погбанинг нархи 100 миллион евро бўлса, Алли ундан қимматлиги аниқ. Чунки у эндигина 20 ёшга тўлди ва зўр ўйин кўрсатмоқда.
Шунингдек, Реднапп "Тоттенхэм" бу футболчини 5 миллион еврога олганини ҳам таъкидлаб ўтди.
Фикрлар