Превью: “Навбаҳор” – “Қизилқум”
Бугун “Навбаҳор” Ўзбекистон чемпионатининг 17-турида Навоийнинг “Қизилқум” клубини қабул қилади. Ушбу ўйин олдидан Наманган клуби расмий сайти учрашув превьюсини тақди этди.
Навоийликлар билан ўтадиган учрашувда жамоанинг икки нафар етакчи футболчиси майдонга туша олмайди. Ҳимоячи Жаҳонгир Меҳмонов ва ҳужумчи Неманья Йовановичлар сариқ карточкалари сони тўрттага етганлиги сабабли майдонга туша олишмайди. “Қизилқум” жамоаси аъзолари кеча куннинг иккинчи ярмида Наманганга етиб келишди. Кечки пайт 19.00да эса навоийликлар “Марказий” ўйингоҳда баҳсдан олдинги расмий машғулотни ўтказишди. Наманганликлар эса ўйин олди машғулотни 11 август куни эрталаб ўтказишганди. “Марказий” ўйингоҳда соат 19.00да бошланадиган учрашувга ҳар икки жамоа аъзолари ҳам пухта ҳозирлик кўришганига шубҳа йўқ. “Қизилқум” иккинчи даврани ўз майдонида “Пахтакор” билан 1:1 ҳисобидаги дуранг қайд этган ҳолда бошлади. “Навбаҳор” эса сафарда “Обод” жамоасини 2:0 ҳисобида мағлуб этди.
"Навбаҳор" ва Навоийнинг “Қизилқум” жамоалари Ўзбекистон чемпионатларининг Олий лигасида шу кунга қадар 35 та учрашувда куч синашишган. Ўзаро ўйинларда фмезбонлар 12 марта ғалаба қозонишган. 11 та ўйинда эса дуранг кузатилган. Навоийликлар ҳисобидаги ғалабалар сони ҳам 12 тани ташкил этмоқда. Тўплар нисбатидаги кўрсаткич эса 44-39, "Навбаҳор" фойдасига.
Жамоаларнинг олий лигадаги илк ўйини 2000 йили ўтказилган. Наманганда ўтган дастлабки баҳсда “Қизилқум” ғалабани қўлга киритганди. Иккинчи давра ўйинида эса “Навбаҳор” сафарда уч очкони мезбонлардан тортиб олганди. Аксарият учрашувларда “Қизилқум” "Навбаҳор"га ноқулай рақиб эканлигини намойиш этган. Хусусан наманганликлар, 2008-2010 йиллар оралиғида навоийликларни мағлубиятга учрата олмаган. Ўз майдонида уч бор дуранг қайд этган "Навбаҳор" сафарда икки бор имкониятни бой берганди. Шунингдек, 2012 ва 2016 йилги мавсумларда ҳам "лочинлар"га ютуқни нишонлаш насиб этмаган. 2012 йилги чемпионатдаги ҳар икки баҳсда дуранг кузатилган бўлса “Қизилқум” ўтган йилги учрашувларда ғалабани тантана қилган. Бу йилги чемпионатнинг биринчи даврасидан ўрин олган учрашувда навоийликлар 2:1 ҳисобидаги ғалабани қўлга киритишганди. Мезбонлар жамоа футболчилари Азамат Алланиёзов ва Илҳом Юнусовларнинг икки голига Мансур Саидов жавоб қайтарганди.
Наманганда ўтган учрашувлардаги натижалар
2000 йил
"Навбаҳор" - "Қизилқум" - 1:2
Голлар: А.Солиев (67) - А.Бакалидис (35), Ғ.Худойберганов (53).
2001 йил
"Навбаҳор" - "Қизилқум" - 1:0
Гол: Х.Каримов (53-пен.).
2002 йил
"Навбаҳор" - "Қизилқум" - 4:0
Голлар: Ш.Мирхолдиршоев (40), О.Пирматов (54), Т.Мадраҳимов (85), Д.Одилов (90).
2003 йил
"Навбаҳор" - "Қизилқум" - 2:2
Голлар: И.Мўминжонов (18,26) - М.Идиатулин (38), Ал.Холиқов (75).
2004 йил
"Навбаҳор" - "Қизилқум" - 5:2
Голлар: В.Жалилов (7), Р.Ғофуров (13), Ш.Мирхолдиршоев (38,49), П.Агбо (65) - Ал.Холиқов (55),М.Холиқов (69).
2005 йил
"Навбаҳор" - "Қизилқум" - 2:1
Голлар: Ё.Назаров (5), Г.Овеков (39) - Н.Қуттибоев (29).
2006 йил
"Навбаҳор" - "Қизилқум" - 1:1
Голлар: С.Токов (82) - С.Усмонхўжаев (40).
2007 йил
"Навбаҳор" - "Қизилқум" - 1:2
Голлар: К.Канин (88) - Н.Қуттибоев (33), Ғ.Жумаев (90+3).
2008 йил
"Навбаҳор" - "Қизилқум" - 1:1
Голлар: Ш.Мирхолдиршоев (90+1) - А.Кликунов (52).
2009 йил
"Навбаҳор" - "Қизилқум" - 1:1
Голлар: М.Фозилов (78) - В.Постолатьев (80).
2010 йил
"Навбаҳор" - "Қизилқум" - 1:1
Голлар: Е.Сайко (48-пен.) - Т.Султонов (25-автогол).
2011 йил
"Навбаҳор" - "Қизилқум" - 3:0
Голлар: А.Маҳмудов (12), А.Султанов (27), А.Шадрин (79).
2012 йил
"Навбаҳор" - "Қизилқум" - 0:0
2013 йил
"Навбаҳор" - "Қизилқум" - 1:0
Гол: Б.Тўрабоев (90+3).
2014 йил
"Навбаҳор" - "Қизилқум" - 2:0
Голлар: М.Саидов (59), Д.Жабборов (77).
2015 йил
"Навбаҳор" - "Қизилқум" - 2:1
Голлар: Р.Ҳасанов (31), Ш.Эркинов (52) - А.Деркач (82).
2016 йил
"Навбаҳор" - "Қизилқум" - 0:2
Голлар: И.Юнусов (49), В.Шодиев (61).
Фикрлар