Профессионал боксчимиз 5 май куни енгилмас боксчига қарши рингга чиқади

Жорий йилнинг май ойида Жанубий Кореянинг Пусан шаҳрида профессионал бокс кечаси ташкил қилинади. Унда ўзбекистонлик Элдорбек Саидов ҳам иштирок этади.

5 май кунига белгиланган тўқнашувда ҳамюртимизга кореялик енгилмас боксчи Ин Дук Сео рақиблик қилади. Бу боксчи профессионал рингда 11 марта жанг ўтказиб, 9 ғалаба (6 нокаут) ва 2 дуранг қайд этган.

Элдорбек Саидов эса шу вақтга қадар профессионал 8 та жанг ўтказиб, 4 ғалаба (3 нокаут), 3 мағлубият ва 1 дуранг қайд этган.