Пулишич АҚШнинг 2017 йилдаги энг яхши футболчиси деб топилди ва рекорд ўрнатди

Дортмунднинг “Боруссия” клуби ярим ҳимоячиси Кристиан Пулишич 2017 йил якунларига кўра АҚШнинг энг яхши футболчиси деб топилди.

Эътиборлиси, жорий йилнинг сентябрь ойида 19 ёшга тўлган Пулишич ушбу совринни қўлга киритган АҚШ тарихидаги энг ёш футболчи сифатида тарихга кирди.

Маълумот учун, ушбу номинация бўйича соврин 34 йилдан буён таъсис этилиб келинмоқда. Пулишичдан аввал ушбу совринни қўлга киритган энг ёш футболчи Лэндон Донован эди. У 21 ёшида АҚШнинг энг яхши футболчиси бўлган.