Қамоқдан чиққан чемпион кучли рақиб билан урушмоқчи

Ярим ўрта вазн тоифасининг WBA Super ва WBC камарлари соҳиби (-66,7 кг) Кит Турман қамоқдан чиқди ва тез орада рингга қайтишни мақсад қилмоқда. Америкалик боксчи олдинроқ бир неча марта бир йиллик мажбурий танаффусдан сўнг кучли рақиб билан куч синашишини таъкидлаб ўтган эди.

Boxingtalk нашри тарқатган хабарга кўра, жанг 19 май куни Бруклиндаги (Нью-Йорк) “Barclays Center” аренасида бўлиб ўтиши мумкин. Турманнинг рақиби жаҳон чемпионлигига собиқ даъвогар Хосесито Лопес (35-7, 19 КО) бўлади.

Лопес ўз вақтида Сауль Альварес, Маркос Майдана, Андре Берто ва Жесси Варгас сингари машҳур боксчилар билан куч синашган ва уларнинг барчасида мағлубиятга учраган. Унинг энг яхши натижаси Лопес 2012 йилда қайд этилиб, ўшанда собиқ жаҳон чемпиони Виктор Ортисни нокаутга учратган ҳамда WBC Silver камарини қўлга киритган.