Қайсар футболчи "Милан"нинг режасини йўққа чиқарди
Италия чемпионатида юқори ўринларга ҳаракат қилаётган "Милан" клуби раҳбарияти "Женоа" футболчиси Лукас Окампосни олишга уринмоқда. Миланликлар бу футболчи ўрнига ўз ҳужумчиси Мбайе Ньянгни бермоқчи эди.
Бироқ франциялик Ньянг "Женоа"га ўтишдан бош тортди ва келишув амалга ошмай қолди. "Милан" Ньянгни 2012 йили "Кан" жамоасиндан уч миллион евро эвазига қўлга киритган эди. Кейин бу футболчи "Монпелье" ва "Женоа"да ижара асосида ўйнади.
Жорий мавсумда Ньянг "Милан" таркибида А серияда 17 учрашувда 3 та гол урди. "Женоа"нинг аргентиналик ҳужумчиси Лукас Окампос эса 14 та ўйинда учта гол урган.
Фикрлар