“Қўқон-1912” ўртоқлик ўйинида “Қизилқум” билан дуранг ўйнади

Олий лигада юзага келган танаффусдан фойдаланиб, Чирчиқ шаҳрида ўқув-йиғинини ўтказаётган “Қўқон-1912” жамоаси бугун “Қизилқум” клубига қарши назорат ўйинида майдонга тушишди. ТТЙМИ стадионида бўлиб ўтган учрашув шиддатли ва кескин курашларга бой тарзда ўтганини айтиб ўтиш жоиз.

Бугун қўқонликлар таркибида жароҳат сабаб Александр Мерзляков майдонга туша олмади. Шунингдек. терма жамоа ихтиёрида бўлиб турган Жавоҳир Сидиқов ва Мурод Ҳолмуҳаммедовлар ҳам бугунги баҳсда иштирок эта олишмади.

Ўйинни водийликлар фаол тарзда бошлашди. Натижада 2-дақиқадаёқ Райевац жуда қулай имкониятдан фойдлана олмади. Раҳимовнинг ўнг қанотдан оширган тўпини Райевац яқин масофадан дарвозага тўғри йўллашни уддалолмади.

16-дақиқада Ҳамидов-Акрамов-Раҳимов-Акрамов комбинацияси чиройли чиқди. Сўнгги зарба ҳам аниқ бўлди. Дарвозабон ўз ўрнида.

21-дақиқада “Қизилқум” футболчилари ҳисобни очишди. Геворкяннинг ўнг қанотдан оширган пасини Отабек Зокиров Рибкин қўриқлаётгнан дарвозага жойлаб қўйди.

Гол ўтказиб юборгач, қўқонликлар катта куч билан ҳужумга ташланишди. 37-дақиқага келиб бу ўз самарасини берди. Райевац ҳимоячиларнинг хатосидан унумли фойдаланиб, Раҳимовга қулай тарзда тўпни узатди. «Кафу» эса зарбада адашмади ва ҳисобни тенглаштирди.

Иккинчи бўлим ҳам шиддатли тарзда бошланди.

56-дақиқада Райевацга нисбатан қўполлик ишлатган Файзулла Қамбаров ҳакам иккинчи сариқ ва қизил карточка кўрсатди.  Ўртоқлик ўйини бўлгани учун қизил олган футболчи ўрнига бошқаси майдонга тушди.

71-дақиқада навойиликлар Ашуров қўриқлаётган “Қўқон-1912” дарвозасини иккинчи марта ишғол қилишди. Файзулла Қамбаров ўрнига майдонга тушган Азамат Алланиёзов боши билан Азиз Ашуров қўриқлаётган дарвозани аниқ нишонга олди.

Сўнгги дақиқалар ўтиб боратган пайтда Нўъмон Ҳасанов жамоаси ҳисобни тенглаштиришга муваффақ бўлишди. Андрей Сидоров яқин масофадан шунақа кучли зарба йўлладики, гўё дарвоза тўри йиртилиб кетадигандек туюлди.

Шу тариқа, назорат учрашувида дуранг натижа қайд этилди.

Ўртоқлик учрашуви

“Қўқон-1912” – “Қизилқум” – 2:2 (1:1)

Голлар: Иброҳим Раҳимов(37), Андрей Сидоров(90)  – Отабек Зокиров(21), Азамат Алланиёзов(71).

«Қўқон-1912»: 13. Никита Рибкин, 4. Баҳодир Акрамов, 5. Жалил Кимсанов, 7. Жамшид Ҳасанов, 8. Собир Ҳамидов, 19. Суҳроб Бердиев, 24. Иброҳим Раҳимов, 26. Акмал Холмуродов, 55. Дарко Гожкович, 85. Руслан Мелзиддинов, 99. Филип Райевац.

Захира: 12. Азиз Ашуров, 21. Музаффар Абдуллаев, 9. Носир Отақўзиев, 17. Авазхон Маматхўжаев, 25. Иқбол Маликжонов, 96. Муҳаммаданас Ҳасанов, 97. Ойбек Рустамов.

“Қизилқум”: Артем Макосин, Шукурали Пўлатов, Файзулла Қамбаров, Шерали Жўраев,

Заҳира: Ғайрат Жумаев, Эркин Бойдуллаев, Илҳом Юнусов, Артур Геворкян, Жасур Ҳасанов, Отабек Зокиров, Воҳид Шодиев.

Фикрлар

Фикр қолдириш учун авторизациядан ўтинг!