Қозоғистонга гол урган "Пахтакор" сардори ўйиндан кейин нималар деди?

Хабарингиз бор, бундан аввалроқ кеча бўлиб ўтган Қозоғистон ҳамда Черногория терма жамоалари ўртасидаги баҳсда Тошкентнинг “Пахтакор” клуби сардори Марко Симич рақиб дарвозасига гол киритгани ҳақида айтиб ўтган эдик.

30 ёшли черногориялик футболчи учрашувдан сўнг ўзининг ўйин ҳақидаги фикрларини билдириб ўтди.

“Ўз майдонимизда бўлиб ўтган дастлабки баҳсда 5:0 ҳисобида ғалаба қозонганимиздан сўнг олдинда кутиб турган жавоб ўйини қийин кечишини таҳмин қилган эдик. Шунинг учун ушбу баҳсга тайёргарлик кўришимиз оғир кечди. Бироқ, мураббийларимиз бу борада бизга катта ёрдам беришди.

Биз ушбу ўйинимиз орқали хатто меҳмонда ва сунъий қопламали майдонда бўлса ҳам ҳудди ўз уйимиздагидек ҳаракат қила олишимизни кўрсатиб қўйдик. Биз – профессионаллармиз ва шу боис ҳам доимо ижобий натижа учун курашамиз”, - дейди Симич Vijesti нашрига берган интервьюсида.