Қозон. Фьючерс. Саидаъло юқтазди, бугун яна икки ўйин бор

Айни кунларда Россиянинг Қозон шаҳрида соврин жамғармаси 15 000 АҚШ долларини ташкил этувчи турнир бўлиб ўтмоқда.

Ушбу турнирда иштирок этаётган ўзбекистонлик теннисчи Саидаъло Саидкаримов яккалик баҳсларида чорак финалга чиққани ҳақида хабар бериб ўтган эдик.

Ярим финал учун йўлда унга россиялик Павел Котов рақиблик қилди. Ҳозиргина якунига етган ўйинда теннисчимиз 2:6, 3:6 ҳисобида рақибига имкониятни бой берди ва яккалик баҳсларидаги юришини тўҳтатди.

Бугун Саидкаримов жуфтлик баҳсларида шериги Григорий Ломакин(Қозоғистон) билан ярим финал баҳсида иштирок этади. Уларга россиялик Маркус Калавелонис/Александр Павлюченков рақиблик қилишади.

Шунингдек, иккинчи ярим финалда Шониғмат Шофайзиев шериги Максим Ратниук(Россия) билан Дениус Евсеев/Дониёр Дулдаев дуетига қарши кортга чиқади. Ушбу ўйин ҳам бугун бўлиб ўтиши режалаштирилган.