Рафаэль Надаль 10 карра “Ролан Гаррос” ғолиби ёхуд тарихга муҳрланган ғалаба
31 ёшли испаниялик теннисчи Рафаэль Надаль Франция кортларида ўтган “Ролан Гаррос” турнири финалида швейцариялик Стэн Варинкани 6:2, 6:3, 6:1 ҳисобларида мағлуб этиб, мусобақада 10 марта ва “Катта дубулға”да 15-титулини қўлга киритди.
У “Катта дубулға” турнирларида ғолиб чиқиш бўйича Пит Сампрасни ортда қолдирди ва энди иккинчи ўринда бормоқда. Биринчи ўринда эса Рожер Федерер бу йил 18-титулини ютган эди. Бу мукофот испан теннисчиси учун “Катта дубулға”ларда 2014 йилдан бери илк совринидир.
Надаль яккалик баҳсларида “Катта дубулға” беллашувларида 10 марта ғолиб чиққан илк теннисчига айланди. Аёллар ўртасида яккалик баҳсларида 10 титулни фақатгина Маргарет Корт ютган. У Australian Open 11 марта (шулардан еттитаси 1968 йилда “Очиқ эра” бошлангунга қадар қўлга киритилган).
Бундан ташқари бу “Катта дубулға” Надаль учун бирорта сетни ютқазмаган учинчиси бўлди.
Аввалроқ буни Надаль 2008 ва 2010 йилларги “Ролан Гаррос”да қайд этган. Шундай қилиб, у ва Бьорн Борг – бирорта сетни ютқазмай учта “Катта дубулға” мусобақаларида зафар қучган эркак теннисчилардир. Турнир давомида бирорта рақиб Надалдан бир сетда тўртта гейм ва ўйинда 8 геймни олишнинг уддасидан чиқа олишмади.
Турнир якунларига кўра, Надаль ATP рейтингида 4-ўриндан 2-поғонага кўтарилиб олди. Испаниялик 2014 йил октябр ойидан бери илк марта топ-2дан жой олмоқда.
Фикрлар