Ракитич бўлажак "Эл-класико" ҳақида нималар деди?

Каталониянинг “Барселона” клуби ярим ҳимоячиси Иван Ракитич Ла Лиганинг навбатдаги 17-турида “Реал”га қарши бўлиб ўтадиган учрашув олдидан ўз фикрларини билдириб ўтди.

“Кимнидир қўрқинчли байрам кутяпти. Бу ҳазил албатта, лекин, олдинда яна бир ажойиб ўйин бўлади. Биз Мадридда илиқ хотираларга эгамиз. Биз фақат ғалаба учун майдонга чиқамиз ва ўйлайманки ушбу учрашув йил якунига ажойиб нуқта бўлади”, - дейди хорватиялик футболчи.

Эслатиб ўтамиз, навбатдаги “Эл-класико” 23 декабрь куни Мадриддаги «Сантьяго Бернабеу» стадионида Тошкент вақти билан соат 17:00да бошланади.