Rasman! "Barselona" Paulinoni Xitoy klubiga sotdi

Xitoyning "Guanchjou Evergrand" kubi "Barselona" yarim himoyachisi Paulinoning transferini to‘liq sotib oldi. Bu haqda Football Espana nashri xabar bermoqda.

Yuqoridagi manbaaga ko‘ra xitoyliklar 30 yoshli braziliyalik futbolchi uchun “ko‘k-anor ranglilar”ga avval kutilganidek 50 mln emas, balki 42 mln evro to‘lashgan.

Eslatib o‘tamiz, "Guanchjou Evergrand" Paulinoni o‘tgan yoz kataloniyaliklardan ijaraga olgan edi. U joriy mavsum 19ta o‘yinda maydonga tushdi va o‘z hisobiga 13ta gol yozdirib qo‘yishga erishdi.

Ma’lumot uchun, Paulino bundan avval 2015-2017 yillarda ham "Guanchjou Evergrand"da to‘p surgan va keyin 40 mln evro evaziga “Barselona”ga ko‘chib o‘tgan edi.