Расман! Бензема "Реал" билан келишувни узайтирди

Мадриднинг “Реал” клуби ҳужумчиси Карим Бензема расман жамоа билан шартномасини узайтирди. Бунинг учун клуб президенти Флорентино Перес ва футболчи иштирокида махсус матбуот анжумани ўтказилди.

Карим Бенземанинг олдинга келишуви 2019 йилгача мўлжалланган эди, янги шартномага кўра у 2021 йил 30 июнига қадар мадридликлар шарафини ҳимоя қилади ва йилига 7,5 млн евро миқдорида маош олади.

Карим Бензема “Реал” сафига 2009 йилда “Лион”дан ўтган эди. У 371 расмий ўйинда 182 гол ва 104 голли узатмага муаллифлик қилган.

Фикрлар

Фикр қолдириш учун авторизациядан ўтинг!