Расман! Боатенг жамоасини тарк этди

30 ёшли ганалик ярим ҳимоячи Кевин-Принс Боатенг расман “Лас-Пальмас” клубини тарк этди.

Клуб расмий сайтининг маълум қилишича томонлар ўзаро келишган ҳолда ҳамкорликни муддатидан аввал якунлашга қарор қилишган.

Эслатиб ўтамиз, Боатенг шу йилнинг май ойида испан клуби билан 3 йиллик шартнома имзолаган эди. Бироқ, футболчи оилавий сабабларга кўра ушбу шартномани бекор қилишга мажбур бўлди.