Расман! Форсберг "РБ Лейпциг" билан 2022 йилга қадар шартномани узайтирди

Германия Бундеслигаси пешқадамларидан бири бўлган “РБ Лейпциг” клуби ўзининг ҳужумкор ярим ҳимоячиси Эмиль Форсберг билан янги келишувга эришди.

Берилган маълумотларга кўра 25 ёшли швециялик футболчи билан 2022 йилга қадар келишувга эришилган. Унинг аввалги шартномаси эса 2020 йилда якунланар эди.

Маълумот учун, Форсберг ушбу мавсум “РБ Лейпциг” сафида Бундеслиганинг 15та учрашувида майдонга тушиб, ўз ҳисобига 5та гол ҳамда 9та голли узатма ёздириб қўйишга эришган. Айни дамда унинг жамоаси мусобақа жадвалида 42 очко жамғарган ҳолда 2-ўринда бормоқда.