Расман! Габриэль Жесус “Манчестер Сити” футболчисига айланди

Бразилиялик ёш иқтидорли футболчи Габриэль Жесус расман “Манчестер Сити” аъзосига айланди. “Шаҳарликлар” трансфернинг якунини ижобий ҳал эта олишди.

Айтиш керакки, “Манчестер Сити” ўтган йилнинг ёзидаёқ Жесусни сотиб олган эди. Бироқ, Габриэль “Палмейрас” сафида ижара асосида мавсумни якунлади ва жамоасининг Бразилия чемпионлигини қўлга киритишига ёрдам берди.

Жесус “шаҳарликлар” тарқибига ўтган йилнинг декабрида келиб қўшилган, бироқ, у шу кунгача Англияда ишлаш ҳуқуқини олганича йўқ эди. Энди эса ҳаммаси изига тушди. У 21-январь куни “Тоттенхэм”га қарши бўлиб ўтадиган ўйинда “Манчестер Сити”да ўзининг биринчи ўйинини ўтказиши мумкин.