Расман: “Навбаҳор” Дарко Станоевич билан 1 йиллик шартнома имзолади

Куни-кеча "Навбаҳор" сафига келиб қўшилган сербиялик тажрибали ҳимоячи Дарко Станоевич билан ҳам келишувга эришилди. Бугун футболчи билан бир йилга мўлжалланган шартнома имзоланди, дея хабар бермоқда клуб расмий сайти. 

Сербиялик ҳимоячи жамоаси сафида 44-рақам остида ҳаракат қилади. Айни пайтда "лочинлар" асосий таркибида шуғулланаётган 23 нафар футболчининг барчалари билан шартнома имзолаб бўлинди. 

“Навбаҳор” жамоасининг таркиби

Дарвозабонлар: Акмал Ортиқов (“Олмалиқ”), Асилбек Омонов (“Бухоро”), Нодир Ашурматов (“Андижон”);

Ҳимоячилар: Тоҳир Шамшитдинов, Ҳасанбой Эргашев (“Шўртан”), Жаҳонгир Меҳмонов (“Нефтчи”), Аббос Отахонов (“Пахтакор”), Алишер Саматов (“Нефтчи”), Ғиёс Комилов (“Машъал”), Дарко Станоевич (“Нови Пазар”, Сербия);

Ярим ҳимоячилар: Дилшод Жабборов, Илҳом Бойдедаев, Аъзам Алиев, Азизбек Турғунбоев, Алишер Мирзаев (“Пахтакор”), Равшан Хурсанов (“Пахтакор”), Мирзоҳид Ғофуров (“Машъал”), Ойбек Қиличев (“Перак”, Малайзия), Мансур Саидов (“Нефтчи”);

Ҳужумчилар: Абдуазиз Султонов (“Хотира-79”), Тимур Толипов (“Пахтакор”), Неманья Йованович (“Қизилқум”), Рўзимбой Аҳмедов (“Андижон”).

Изоҳ: Қавс ичида бу йил жамоага таклиф этилган футболчиларнинг олдинги клуби кўрсатилган.