"Реал" - МЮ. Учрашувнинг энг яхши футболчиси кимлиги маълум бўлди

Бундан бироз олдин Македониянинг Скопе шаҳридаги “Филипп II” стадионида “Реал” хамда “Манчестер Юнайтед” жамоалари ўртасида УEФА Суперкубоги учун бўлиб ўтган учрашув ўз ниҳоясига етди.

Унда “қироллик клуби” 2:1 ҳисобида Жозе Моуриньо бошқарувидаги “қизил иблислар”дан устун келди.

УEФА расмий сайтининг хабар беришича, мазкур баҳсда “Реал”нинг иккинчи голига муаллифлик қилган Иско учрашувнинг энг яхши футболчиси деб топилди.

25 ёшли футболчи ушбу ўйинни  асосий таркибда бошлади ва 74-дақиқада ўз ўрнини Лукас Васкесга бўшатиб берди.