"Реал" Де Хеанинг трансферидан воз кечмоқчи

Мадриднинг “Реал” клуби “Манчестер Юнайтед” дарвозабони Давид Де Хеани сотиб олиш фикридан қайтишга тайёр.

The Independent нашрининг маълум қилишича “қироллик клуби” “Челси” посбони Тибо Куртуа учун курашга қўшилмоқчи. Мадридликлар раҳбариятининг фикрича бельгиялик футболчини сотиб олиш, испаниялик футболчидан кўра осонроқ кечиши мумкин.

Айтиш лозимки, Куртуанинг “аристократлар” билан амалдаги шартномаси 2019 йилга қадар имзоланган ва у ҳозирча ушбу келишувни узайтириш борасида якуний қарорга келмади. Боиси, у “Реал”нинг ўзига қизиқиш билдираётганидан хабардор.

Эслатиб ўтамиз, бундан аввалроқ “Реал” қишда ўз сафига “Атлетик” посбони Кепа Аррисабалагани сотиб олиши борасида хабарлар тарқалган эди. Айтиш керакки, ушбу трансфер Куртуани сотиб олинишига алоқаси йўқ.