"Реал" Дибала эвазига "Ювентус"га хорватиялик футболчисини ҳам қўшиб бермоқчи

Мадриднинг “Реал” клуби тобора якунига етиб бораётган ёзги трансферлар даврида ўз сафига истеъдодли футболчиларни қўшиб олишни мақсад қилган.

Football-italia нашрининг хабар беришича “қироллик клуби” ҳужумчи Пауло Дибала учун “Ювентус”га Матео Ковачич ва яна 80-85 млн евро таклиф қилишни режалаштирмоқда.

Таъкидлаш керакки, 23 ёшли аргентиналик футболчининг хизматларига шунингдек Каталониянинг “Барселона” клуби ҳам жиддий қизиқиш билдирмоқда ва сўнгги маълумотларга кўра бунинг учун 120 миллион фунтдан воз кечишга тайёр.