"Реал" Иско ва Хамес Родригес ўрнига суперфутболчи олишга қарор қилди
Испания чемпионатида бош соврин учун курашаётган "Реал" жамоаси ёзда ўз таркибида сезиларли ўзгаришларни амалга оширади. Мадрид клуби раҳбарияти жамоанинг ҳужумкорлик салоҳиятини ошириш мақсадида катта трансферларга тайёргарлик кўрмоқда.
Хусусан, “Реал” раҳбарлари клубдаги келажаги сўроқ остида турган ярим ҳимоячилар Иско ва Хамес Родригеснинг ўрнига ҳужумкор суперфутболчини олишга қарор қилган.
Маълумки, Иско ва Хамес Родригес Зинедин Зидан томонидан тақдим этилаётган ўйин амалиётининг камлигидан норози бўлмоқда. Испаниялик футболчи клуб биланянги шартномани имзоламаган бўлса, колумбиялик ярим ҳимоячи бошқа жамоаларга ўтишни кўзлаб юрибди.
“Реал” бош мураббийи Зинедин Зидан ҳам уларнинг кетишига қаршилик қилмаяпти. Фақат франциялик мутахассис бу футболчилар ўрнига “Челси” вакили Эден Азарни олиб келишни сўрамоқда.
Аслида мадридликларнинг белгиялик чарм тўп устасига қизиқаётган аввалроқ ошкор бўлган ва Эден Азар Лондондан кетиш нияти қўйилигини ҳам айтиб улгурганди. Лекин “Реал”дек қудратли клуб ўзи истаган ўйинчини ҳар қандай йўл билан таркибига қўшиб олиши мумкинлигини унумаслик керак.
Фикрлар