"Реал" Роналдуга ҳеч ким сотиб ололмайдиган нарх белгилади

18 июнь,2017, 09:35 603

Мадриднинг “Реал” клуби ўзининг португалиялик етакчиси Криштиану Роналдуни 400 млн евродан камига сотмоқчи эмас. Бу ҳақда Daily Mail нашри хабар тарқатмоқда.

“Қироллик клуби” раҳбарияти бу йўл билан “Манчестер Юнайтед” ва ПСЖ клубларининг Роналдуга бўлган қизиқишларини сўнишига ишонмоқда. Шунингдек, клуб президенти Флорентино Перес, клуб бош директори Хосе Анхель Санчес ва Криштиану Роналду ўртасида жорий  вазият ва футболчининг жамоадан кетиш масаласи яна бир бор муҳокама қилиниши режалаштирилган. Таъкидлаш керакки, бу учрашув Роналдунинг Конфедерациялар кубогидаги якунланмагунича амалга оширилмайди.

Эслатиб ўтамиз, 32 ёшли футболчи 2016 йилнинг ноябрида “Реал” билан амалдаги шартномасини 2021 йилга қадар узайтирган эди. Унга кўра футболчининг ҳафталик маоши 400 минг еврони ташкил этади. Шартномага кўра эса унинг товон пули 995 млн евро деб белгиланган.