"Реал" клублар ўртасидаги жаҳон чемпионатида кетма-кет 2 марта ғолиб чиққан биринчи жамоа бўлди

Хабарингиз бор кеча Мадриднинг “Реал” клуби Бирлашган Араб Амирликларида бўлиб ўтган 2017 йилги клублар ўртасидаги жаҳон чемпионати финалида Бразилиянинг “Гремио” клубини 1:0 ҳисобида мағлубиятга учратиб, жаҳон чемпиони деган номни қўлга киритди.

Эътиборлиси, “қиролли клуби” ушбу мусобақада кетма-кет икки йил чемпионликни тантана қилган илк жамоа бўлиб тарихга кирди. Эслатиб ўтиш лозимки, Зидан шогирдлари ўтган йилги финалда Япониянинг “Кашима Антлерс” клубини мағлубиятга учратишган эди.

Айтиш лозимки, клублар ўртасидаги жаҳон чемпионатида 3 марта ғолиб чиқа олган “Реал” бу борада ўзининг ашаддий рақиби ҳисобланган “Барселона”га тенглашиб олди. Боиси, каталонияликлар ҳам ушбу турнирда 3 марта бош совринни қўлга киритишган эди.

Фикрлар

Фикр қолдириш учун авторизациядан ўтинг!