"Реал" ололмаган футболчи президент билан ҳаммомда учрашганини ошкор қилди
"Бетис"нинг маҳоратли ярим ҳимоячиси Хоакин Санчес доимо "Реал" клуби нишонида бўлган.
Испания терма жамоасининг собиқ футболчиси "Реал"нинг яқин ўтмишдаги етакчиси Рауль Гонсалес ва клуб президенти Флорентино Перес билан бўлган махфий суҳбатни оммага ошкор қилди.
- Терма жамоа билан Барселонада йиғилгандик, - дейди Хоакин Санчес. - Менга Рауль қўнғироқ қилди ва ҳаммомга келишимни сўради. Флорентино Перес билан ўша ерда учрашдик. Ҳар иккиси ҳам менга "Реал" формаси ярашишини таъкидлашар эди. Лекин бу жамоага тақдирим қўшилмаган эди. Ўзим ҳам Мадрид клубишга ўтишга ҳаракат қилмаганман.
Хоакин Санчес жорий мавсумда "Бетис" таркибида 16 та учрашув ўтказиб, учта гол урди.
Фикрлар