"Реал" тарихидаги энг зўр беш футболчи
Испаниянинг гранд жамоаси "Реал" доим буюк футболчиларга эга бўлган қудратли клубдир. Бу жамоа тарихига назар солсак, деярли ҳар мавсумдаги таркибида жаҳон миқёсида ном қозонган футболчилар тўп сургани намоён бўлади.
"Реал"нинг собиқ сардори Рауль Гонсалес "Қироллик клуби" тарихида ўзи энг кучли деб ҳисоблаган беш нафар футболчининг номини эълон қилди. Энг аҳамиятлиси шундаки, кучли бешликка киритилган чарм тўп усталаридан икки нафари ҳамон "Реал" сафида жавлон урмоқда.
"Реал" тўпурари Рауль фикрига кўра, энг кучли беш футболчилар қаторига уч нафар ҳужумчи, биттадан ярим ҳимоя ва ҳимоя вакили киритилди:
Альфредо ди Стефано
Франсиско Хенто
Зинедин Зидан
Криштиану Роналду
Серхио Рамос
- Бу футболчиларни танлаб олиш жуда қийин бўлди, - деди Рауль. - Чунки "Реал" таркибида юлдуз футболчилар кўп бўлган.
Айни пайтда Зинедин Зидан "Реал"да бош мураббийлик қилмоқда. Криштиану Роналду ва Серхио Рамос ҳамон жамоа ғалабаларида муҳим роль ўйнаяпти.
Фикрлар