"Реал" узоқ давом этган "Барселона" рекордини бекор қилди
Испания чемпионатининг 25-турида "Лас-Пальмас" билан 3:3 ҳисобида дуранг ўйнаган Ла лига пешқадами "Реал" ашаддий рақиби - "Барселона"нинг узоқ йиллик рекордини бекор қилди.
"Реал" футболчилари узлуксиз гол урган учрашувлар сонини 45 та етказди ва "Барселона"нинг 1942-1943, 1943-1944 йилларда 44 та ўйиндан иборат голли сериялари рекордини ортда қолдирди.
"Реал"нинг сўнгги голсиз ўйини 2016 йилнинг 24 апрель куни қайд этилган. Ўшанда "Манчестер Сити" билан бўлган учрашувда ҳисоб очилмаган эди.
Фикрлар