"Реал"да можаро "пишяпти" ёхуд мухлислар Роналдуни йўқотмоқчи
Мадриднинг "Реал" жамоаси мухлислари етакчи футболчи Криштиану Роналдунинг ўйинларидан умуман қониқмаётганини кўрсатмоқда.
Испания чемпионатининг 20-турида "Реал Сосьедад"га қарши ўтказилган учрашув олдидан Криштиану Роналду жамоа мухлисларидан футболчиларни қўллаб-қувватлашни сўраганди. Бироқ, учрашув бошланмай туриб мухлислар Карим Бензема ва Данилуга хуштакбозлик қилишди.
Гарчи учрашувда "Реал" 3:0 ҳисобида зафар қучиб, Криштиану Роналду гол киритган бўлса-да, мухлислар португалиялик футбол юлдузига ҳам хуштакбозлик қилишни тўхтатишмади.
Мутахассислар мухлисларнинг Криштиану Роналдуга қилаётган салбий муносабатини жамоанинг уч марта мағлуб бўлгани ва Испания кубогидан чиқиб кетгани билан изоҳлашмоқда.
Фикрлар