“Реал”нинг машҳур футболчиси оламдан ўтди

1958 йилги “Олтин тўп” соҳиби франциялик Раймон Копа 85 ёшида вафот этди. Бу ҳақда Goal.com нашри хабар бермоқда.

Копа 1958 йилги мундиалнинг бронза медали соҳиби, бундан ташқари 1956, 1958, 1959 йилларда Мадриднинг “Реал” клубида Европа чемпионлари кубогини қўлга киритган. Копа шунингдек тўрт карра Франция ва икки карра Испания чемпиони ҳисобланади.  

Этиборлиси, Раймон Франция терма жамоаси сафида 45та учрашувда иштирок этиб, 18та гол уришга эришган.