Реднапп: “Тоттенхэм” яқин 3-4 йил ичида чемпион бўлади

Лондоннинг “Тоттенхэм” клуби собиқ бош мураббийи Харри Рендаппнинг фикрича “шпорлар” тез орада чемпионликни қўлга киритишлари мумкин.

“Тоттенхэм” Почеттино қўл остида ажойиб футбол намойиш қилмоқда. Менга жамоанинг айни дамдаги ўйин услуби жуда ҳам ёқяпти. “Тоттенхэм” ривожланишда давом этади ва яқин 3-4 йил ичида чемпионликни қўлга киритади деб ҳисоблайман”, - дейди Реднапп.

Маълумот учун, “Тоттенхэм” бу мавсум 2011 йилдан буён илк бор УЕФА Чемпионлар лигасида иштирок этди. Эътиборлиси, “шпорлар” 2011 йилда айнан Харри Реднапп бошчилигида ушбу мусобақада иштирок этишган эди.

Эслатиб ўтамиз, "Тоттенхэм" айни дамда премьер-лигада пешқадам "Челси"дан 10 очко кам жамғарган ҳолда 3-ўринда бормоқда. "Шпорлар" келгуси турни 26 февраль куни "Сток Сити"га қарши ўтказишади.