Рибери: Фаолиятимни якунлаганимдан сўнг ҳам Мюнхенда қолмоқчиман

Мюнхеннинг “Бавария” клуби ярим ҳимоячиси Франк Рибери амалдаги шартномаси якунлангач бошқа жамоа сафига ўтиши борасидаги саволга қуйидагича жавоб берди:

“Мен фақат “Бавария” учун ўйнайман, бошқа ҳеч қайси клубда ўйнамоқчи эмасман. Бу ер менинг уйим. Фаолиятимни якунлагач ҳам Мюнхенда қолиб, шу ерда яшамоқчиман. Бунга аллақачон қарор қилиб бўлганман”, - дейди франциялик футболчи Bild нашрига берган интервьюсида.

Маълумот учун, Рибери 2007 йилдан буён “Бавария” шарафини ҳимоя қилиб келмоқда. 33 ёшли футболчининг мюнхенликлар билан амалдаги шартномаси 2018 йилнинг ёзида ўз ниҳоясига етади.

Аввалроқ, Риберининг Хитой чемпионатига кетиши борасида хабарлар тарқалган эди.