Ринг қироли Марказий Осиёдан рақиб танлади
11 Январ 20:00 | 401

Профессионал боксда катта нуфузга эга бўлган Маурисио Сулаймон икки мексикалик буюк боксчи WBO чемпиони ва жаҳон рейтинги етакчиси Сауль Альварес (48-1-1, 34 КО) ва WBC собиқ чемпиони Хулио Сезар Чавес (50-2-1, 32 КО) ўртасида супержанг ташкил этиш уддасидан чиқолмади. Узоқ давом этган музокаралар боши бер кўчага кириб қолди.

26 ёшли Сауль Альварес энди ўзига бошқа рақиб танлади. Мексикалик боксчи 6 май куни чемпионлик камарини ҳимоя қилиши лозим. Унга бўлажак жангда қозоғистонлик Канат Ислом (22-0, 18КО) рақиблик қилиши кутилмоқда.

Канат Ислом Қозоғистон байроғи остида рингга чиқаётган бўлса-да, асли Хитойда туғилган. Жангларининг деярли барчасини Доминикан Республикаси, Эквадор, Колумбия ва АҚШ рингларида ўтказган.

Канат Ислом ўтган йили 29 октябрдаги сўнгги жангини Қозоғистонда ўтказиб, ганалик Патрик Аллотейни мағлубиятга учратди.

Ўхшаш янгиликлар

Sports.uz 2016 ©
ЎзМАА интернет-ОАВ лицензияси рақами: №1002