Роберто Карлос ЖЧ финалида кимни кўришни истамоқда

Бразилия терма жамоаси собиқ ҳимоячиси Роберто Карлос Россия терма жамоасининг ЖЧ-2018даги имкониятлари ҳақида ўз фикрини билдирди.

- Бир ой олдин “Лижники”да Россия – Бразилия қарама-қаршилиги бўлди, бу учрашув ҳақида фикрингизни эшитмоқчимиз?

- Шуни айтишим керакки, Россия термасининг биринчи бўлимдаги ўйини айниқча ҳимоя чизиғидаги ҳаракатлар мени қувонтирди. Юқори ўйин даражаси бизнинг жамоага иккинчи бўлимда устунликга эришишга ёрдам берди.

Қайси футболчини Россия терма жамоасининг етакчиси деб ҳисоблайсиз?

Россиянинг кўп учрашувларини томоша қилганим йўқ, аммо таъкидлаб ўтишим мумкин бўлганларим: Акинфеев, Смолов ва ёш хавбек Головин.

Шуни айтиш керакки, Головин билан Лондоннинг “Арсенал” клуби қизиқиш билдирмоқда, сизнингча қайси россиялик футболчи “Реал Мадрид”да ўйнаши мумкин?

Ўйлашимча, Россия терма жамоасида жуда кўп яхши футболчилар бор. Бугунги кунга келиб, ЖЧ-2018нинг Россиянинг яшил майдонларида ўтиши бу ердаги футболнинг даражасининг ошишига олиб келади. Кайси футболчиларингиз “Реал” таркибида ўйнаши мумкинлиги ҳақида айтиш қийин. Ишончим комилки, бир кун келиб бир нечта россияликлар Испания чемпионатида фаолият олиб бооришади.

Россия ҳамда Бразилия терма жамоасидан бўлажак мундиалда нималарни кутмоқдасиз?

Бундай турнирдарда жамоанинг психологик ҳамда жисмоний тайёргарлиги жуда муҳим роль ўйнайди. Ўйлашимча, Россия гуруҳ босқичидан ўтиб, бундай мухлисларнинг қўллаб-қуватлаши билан кейинги босқичларда яхши натижаларни кўрсатиши мумкин. Шу қатори финал учрашувда Бразилия – Россия терма жамоаисни кўришга умид қиламан. Бироқ, Франция, Германия ёки Аргентина каби жамоалар иштирок этаётганда бундай финални кўриш осон бўлмайди, - деди Роберто Карлос .

Фикрлар

Фикр қолдириш учун авторизациядан ўтинг!