Ромелу Лукаку: “МЮ” ўтган турдаги хатосини тўғирлади

“Манчестер Юнайтед” клуби ҳужумчиси Ромелу Лукаку “Борнмут”га қарши (2:0) АПЛ 35-тур учрашувидан кейин ўз фикрлари билан ўртоқлашди. Бельгиялик футболчи жамоасининг иккинчи голига муаллифлик қилди.

“Бугун ғалаба қозониш кераклигини билардик. Биз ўтган турдаги хатони тўғирладик. Ажойиб ўйин ўтказиб, кейинги беллашувга яхши тайёргарлик кўрдик”, – деди Лукаку.

Эслатиб ўтамиз, “Манчестер Юнайтед” мамлакат чемпионати якунланишига 3 тур қолганида “Ливерпуль”ни 4 очкога ортда қолдирган ҳолда иккинчи поғонани эгаллаб турибди.