Роналду "Реал" раҳбариятидан Бенземани сотмасликни илтимос қилди

Мадриднинг “Реал” клуби етакчиси Криштиану Роналду ҳужумдаги шериги Карим Бенземанинг жамоадан кетишини истамаяпти. Daily Express нашрининг маълум қилишича португалиялик футболчи клуб раҳбариятидан ёзда Бенземани сотиб юбормасликларини илтимос қилган.

Аммо, таъкидлаш керакки франциялик форвард бу мавсум ўз ўйинини намойиш қила олмаяпти. Бунинг ортидан мухлислар ва мутахассисларнинг танқидларига учрамоқда.

Карим бу мавсум Ла Лиганинг ўзи иштирок этган 16та ўйинда бор йўғи 5 маротаба рақиблар дарвозасини ишғол этган ва 3та голга ассисентлик қилган ҳолос. Умумий ҳисобда 29 ёшли футболчи жами 29та ўйинда 13та гол ҳамда 6та голли узатмага муаллифлик қилган.

Аввалроқ, “Реал” 2019 йилда шартномаси якунланадиган футболчини сотиб юбориши ҳақида хабарлар тарқалган эди.