Роналду: “Юве” футболчилари нега ҳакам билан бунақа тортишганликларини тушунмадим

Мадриднинг “Реал” клуби ҳужумчиси Криштиану Роналду ЕЧЛ чорак финалидан ўрин олган “Ювентус”га қарши баҳсдан сўнг ўз фикрларини билдириб ўтди.

“Замонавий футболда ҳеч ким сенга совға бермайди. Шу ўринда, биз охиригача курашдик, тер тўкдик, гол уриш учун кўп имкониятларга эга бўлдик. Бироқ Буффон ажойиб ўйин кўрсатди.

Мен “Ювентус” футболчилари пеналти борасида ҳакамга нега бу қадар қаттиқ эътироз билдиришганини тушунмадим. Агарда, қоида бузилмаганда, биз ўйиндан гол киритар эдик. Биз жуда хурсандмиз, барча яхши ўйнади. Биз ярим финалдамиз”, – деб айтиб ўтди Роналду.